Xalq deputatlari Marg‘ilon shahar Kengashi kotibiyat mudiri A.Ermatov hamda kotibiyat bosh mutaxassisi Z.Yakubova ishtirokida 2-Saxovat saylov okrugi deputati S.Azizov hududidagi Ipakchi mahallasining Bog‘chasaroy ko‘chasida o‘rganish olib borildi.

Unda ko‘chadagi umumiy foydalanishdagi ikki qavatli uyda istiqomat qiluvchi fuqarolar uchun muhim bo‘lgan infratuzilma masalalari, xususan, umumiy hojatxonani ta’mirlash bo‘yicha amalga oshirilgan ishlarning yakuniy holati ko‘zdan kechirildi.

Mazkur ishlar Xalq deputatlari Marg‘ilon shahar Kengashining 2026-yil 8-iyundagi VII-27-42-11-168-K/26-son qaroriga muvofiq, “Infratuzilma va ijtimoiy barqarorlik” jamg‘armasi mablag‘lari hisobidan moliyalashtirilgan.

O‘rganish davomida qurilish-ta’mirlash ishlarining holati joyida ko‘zdan kechirilib, yakuniy bosqichda ayrim kamchiliklar mavjudligi aniqlandi. Ularni bartaraf etish yuzasidan mas’ullarga tegishli topshiriq va tavsiyalar berildi.

Shuningdek, O‘zbekiston Respublikasining 2002-yil 5-apreldagi 362-II-son “Chiqindilar to‘g‘risida”gi Qonuni talablari ijrosi doirasida hududdagi sanitariya holati ham o‘rganildi. Xususan, to‘planib qolgan chiqindilar masalasiga e’tibor qaratilib, mas’ullarga murojaat qilindi. Natijada to‘planib qolgan chiqindilar shu kunning o‘zida hududdan olib chiqildi.

Bu kabi o‘rganishlar Kengash qarorlarining amaliy ijrosini joyida nazorat qilish, aniqlangan muammolarga tezkor munosabat bildirish va aholining haqli talablarini qanoatlantirishga xizmat qilmoqda.

Deputatlik nazorati doirasidagi ishlar davom ettiriladi.