“Lola” mahallasida obodonlashtirish ishlari yangi bosqichda

Xalq deputatlari Namangan shahar Kengashi deputati, Namangan shahar hokimi Ayubxon Kamalov “Lola” mahallasida amalga oshirilayotgan obodonlashtirish ishlari bilan tanishdi.

Ma’lumki, avvalroq mahalla ichki ko‘chalarida “Tashabbusli budjet” dasturi doirasida asfaltlash ishlari bajarilgan edi. Ayni paytda esa mahalla ahli hashar yo‘li bilan asfalt yo‘llarning chet qismlarini betonlash hamda hududni yanada obod va tartibli ko‘rinishga keltirish ishlarini davom ettirmoqda.

Fuqarolar bilan muloqot davomida hududdagi bunyodkorlik ishlarini izchil davom ettirish, betonlash ishlari yakunlangach esa mahallaning har bir ko‘chasiga turli kompozitsiyalarda gullar ekib, yanada fayzli va ko‘rkam muhit yaratish bo‘yicha tegishli ko‘rsatmalar berildi.