Jamoatchilik nazoratida hamkorlik muhim ahamiyat kasb etmoqda

Xalq deputatlari Namangan viloyat Kengashi hamda Demokratik jarayonlarni tahlil qilish markazi hamkorligida “Xalq deputatlari Kengashlarining fuqarolik jamiyati institutlari bilan jamoatchilik nazoratini olib borishdagi o‘rni” mavzusida seminar tashkil etildi.

Mazkur tadbirda Xalq deputatlari Namangan viloyati Kengashi kotibiyati mudiri T. Gapparov, viloyat, tuman va shahar Kengashlari deputatlari, siyosiy partiyalar rahbarlari, shuningdek ommaviy axborot vositalari vakillari ishtirok etdilar.

Shu bilan birga, Xalq deputatlari Namangan shahar Kengashi kotibiyati mudiri N. Ubaydullaev ham mazkur seminarda ishtirok etdi.

Seminar davomida jamoatchilik nazoratini samarali tashkil etish, fuqarolik jamiyati institutlari bilan o‘zaro hamkorlikni yanada mustahkamlash, aholi manfaatlarini ta’minlashda Kengashlarning o‘rni va ahamiyati haqida fikr-mulohazalar bildirildi.

Shuningdek, ishtirokchilar tomonidan sohadagi mavjud muammolar, ularni bartaraf etish yo‘llari hamda amaliy takliflar muhokama qilindi. Jamoatchilik nazoratini kuchaytirishda ochiqlik va shaffoflikni ta’minlash muhim omil ekani alohida ta’kidlandi.