Namangan shahar Kengashi deputati maktab faoliyatini o‘rgandi

Deputat Gaffarova Shoira Shavkatovna Nurafshon mahallasidagi 13-sonli umumta’lim maktabi faoliyatini o‘rgandi.

Tashrif davomida maktab sharoiti va o‘quv jarayoni ko‘zdan kechirildi. Sport zalining 3 yildan beri ta’mirlanmagani, infratuzilma eskirgani hamda jihozlar yetarli emasligi aniqlandi. Bu holat o‘quvchilarning jismoniy tarbiya mashg‘ulotlari sifatiga salbiy ta’sir ko‘rsatayotgani qayd etildi.

Deputat muammoni bartaraf etish yuzasidan sport zalini ta’mirlash, zamonaviy jihozlar bilan ta’minlash hamda tegishli tashkilotlar bilan hamkorlikni kuchaytirish zarurligini ta’kidladi. Masala nazoratga olindi.