O‘rganish davomida aniqlangan holatlar

O‘zbekiston Ekologik partiyasi Taxiatosh tumani partiya kengashi hamda Xalq deputatlari Taxiatosh tumani Kengashi kotibiyati mudiri, O‘zbekiston Ekologik partiyasidan saylangan deputat Matniyazov Akbar Qadirovich tomonidan 6-sonli davlat maktabgacha ta’lim muassasasining qish mavsumiga tayyorgarligi bo‘yicha o‘rganish ishlari davom ettirildi.

🌡 Monitoring jarayonida muassasaning isitish tizimi, qozonxona va mo‘rilari holati ko‘zdan kechirildi. O‘rganish davomida qozonxona mo‘rilarining eskirgani va ta’mirlashga ehtiyoj mavjudligi aniqlandi. Muassasada isitish ishlari ko‘mir yoqilg‘isi asosida amalga oshirilishi ma’lum bo‘ldi.

⚠️ Shu munosabat bilan qozonxona va isitish tizimini mavsum boshlanishidan oldin texnik ko‘rikdan o‘tkazish, eskirgan mo‘rilarni ta’mirlash yoki zarur hollarda yangilash, shuningdek, ekologik va yong‘in xavfsizligi talablariga qat’iy rioya etish zarurligi qayd etildi.

📌 Aniqlangan kamchiliklarni bartaraf etish hamda muassasada qish mavsumini xavfsiz va barqaror o‘tkazish yuzasidan mas’ullarga tegishli tavsiyalar berildi.