📌Xalq deputatlari Jizzax shahar Kengashi raisi M. Imomov ishtirokida shahar tibbiyot birlashmasining bosh mutaxassislari bilan yig‘ilish bo‘lib o‘tdi. Unda Sog‘liqni saqlash vazirligining yagona tibbiyot platformasi — DMED raqamli tizimini shahar tibbiyot muassasalarida qo‘llanishi holati bo‘yicha o‘tkazilgan monitoring xulosalari atroflicha muhokama qilindi.

🔸Yig‘ilish davomida DMED elektron tizimi orqali aholiga ko‘rsatilayotgan tibbiy xizmatlar sifati, elektron retseptlar yozilishi, bemorlarning onlayn navbatga turishi hamda shifokorlarning ish jarayonini raqamlashtirish holati ko‘rib chiqildi. 

🔸Monitoring natijalari asosida yo‘l qo‘yilgan kamchiliklar tahlil qilinib, shahar tibbiyot birlashmasi mutaxassislariga raqamli tizim imkoniyatlaridan to‘liq foydalanish va aniqlangan muammolarni bartaraf etish yuzasidan aniq topshiriq va tavsiyalar berildi.