#_deputat_faoliyati
#_24_ta_masala
#_ish_reja_ijrosi
#_kotibiyat_xodimi_faoliyati
#_Biriktirlgan_tashkilot_faoliyati_tahlili
Maktabgacha va maktab ta’limi tizimi deputatlar nazoratida

Xalq deputatlari Sariosiyo tumani Kengashi deputatlari tomonidan hududdagi tashkilot va muassasalar faoliyatini o‘rganish, mavjud muammolarni aniqlash, ularning yechimini ta’minlash hamda aholi uchun ko‘rsatilayotgan xizmatlar sifatini oshirishga qaratilgan amaliy ishlar izchil davom ettirilmoqda.

Shu doirada xalq deputatlari Sariosiyo tumani Kengashiga 23-Aeroport saylov okrugidan saylangan deputat N.Chorshanbiyeva hamda tuman Kengashi kotibiyati bosh mutaxassisi N.Xamdamova tomonidan «Lutfkor» mahallasida joylashgan tuman Maktabgacha va maktab ta’limi bo‘limi faoliyati o‘rganildi.
O‘rganish jarayonida tuman Kengashining 2026 yilga mo‘ljallangan ish rejasining 7-bandida belgilangan vazifalar ijrosiga alohida e’tibor qaratildi. Xususan, tumanda maktabgacha va maktab ta’limi tizimini rivojlantirish, ta’lim muassasalarida ta’lim-tarbiya sifatini oshirish, pedagoglar uchun yaratilgan shart-sharoitlarni yaxshilash, muassasalarning moddiy-texnik bazasini mustahkamlash borasida amalga oshirilayotgan ishlar muhokama qilindi.

Shuningdek, tizimda mavjud muammolar, ularning kelib chiqish sabablari va bartaraf etish bo‘yicha belgilangan chora-tadbirlar yuzasidan mas’ul xodimlarning axborotlari eshitildi. Ta’lim muassasalarida o‘quvchilar uchun munosib sharoitlar yaratish, maktabgacha ta’lim qamrovini kengaytirish, ta’lim sifati va samaradorligini oshirish hamda pedagog kadrlarni qo‘llab-quvvatlash masalalariga e’tibor qaratildi.

O‘rganish davomida aniqlangan masalalar yuzasidan mas’ullarga tegishli tavsiya va takliflar berildi. Muammolarni bartaraf etish bo‘yicha belgilangan vazifalarning ijrosini nazoratga olish, amalga oshirilayotgan ishlar samaradorligini tahlil qilib borish muhimligi ta’kidlandi.