Xalq deputatlari Bözatov tumani Kengaşi 1-sonli "Palwash ataw" saylov okrugidan saylangan deputat A.Ibragimov tomonidan Bo‘zataw tumanidagi 2-sonli umumiy o‘rta ta’lim maktabida o‘quvchilar tomonidan mobil telefonlardan foydalanish tartibi o‘rganildi.

O‘rganish davomida O‘zbekiston Respublikasi Vazirlar Mahkamasining 2012-yil 21-maydagi 139-son «O‘zbekiston Respublikasi ta’lim muassasalarida mobil telefonlardan foydalanishni tartibga solish chora-tadbirlari to‘g‘risida»gi qarori bilan tasdiqlangan Nizom talablari ijrosi, ta’lim-tarbiya jarayonida mobil qurilmalardan foydalanishning belgilangan tartiblariga rioya etilishi ko‘rib chiqildi.

Jarayon davomida maktab rahbariyati bilan suhbat o‘tkazilib, ta’lim muassasasida mobil telefonlardan foydalanish bo‘yicha belgilangan talablarning mazmun-mohiyati, ularning o‘quvchilar va ota-onalar o‘rtasida tushuntirilishi hamda amaliy ijrosi yuzasidan ma’lumotlar olindi.

Shuningdek, o‘quvchilarning dars mashg‘ulotlari vaqtida mobil telefonlardan foydalanishining oldini olish, ta’lim jarayoniga salbiy ta’sir ko‘rsatishi mumkin bo‘lgan omillarni bartaraf etish, maktabning ichki tartib-qoidalariga rioya etilishini ta’minlash masalalariga alohida e’tibor qaratildi.

Maktab rahbariyatiga mazkur qaror talablarini o‘quvchilar va ularning ota-onalariga muntazam ravishda tushuntirish, mobil qurilmalardan foydalanish madaniyatini shakllantirish hamda ta’lim-tarbiya jarayonining samaradorligini ta’minlash bo‘yicha tegishli tavsiyalar berildi.

Deputatlik nazorati doirasidagi mazkur o‘rganishdan ko‘zlangan asosiy maqsad — ta’lim muassasasida belgilangan tartib-intizomga rioya etilishini ta’minlash, o‘quvchilarning dars jarayoniga e’tiborini oshirish hamda zamonaviy axborot vositalaridan oqilona va mas’uliyat bilan foydalanish ko‘nikmalarini shakllantirishdan iborat.