🔽JINOYATCHILIKNING OLDINI OLISH — DEPUTATLIK NAZORATI E’TIBORIDA

🇺🇿Xalq deputatlari Jondor tumani Kengashi deputati I. Xolov hamda tuman Kengashi kotibiyati bosh mutaxassisi R. Murodov hamkorligida “Mustaqillik” mahallasida jinoyatchilikning oldini olish va huquqbuzarliklarni bartaraf etish borasida amalga oshirilayotgan ishlar holati muhokama qilindi.
📌O‘rganish va muhokama jarayonida mahallada osoyishtalikni ta’minlash, jinoyatchilik va huquqbuzarliklarning oldini olish, muammoli va nazoratga muhtoj fuqarolar bilan manzilli ishlash masalalariga alohida e’tibor qaratildi.
📌Shuningdek, jinoyatchilikning kelib chiqishiga sabab bo‘layotgan omillarni barvaqt aniqlash, aholi, ayniqsa yoshlar o‘rtasida huquqiy targ‘ibot ishlarini kuchaytirish hamda profilaktik tadbirlarni tizimli tashkil etish yuzasidan fikr-mulohazalar bildirildi.
📌Muhokama davomida aniqlangan masalalar bo‘yicha mas’ullarga tegishli tavsiyalar berilib, mahallada jinoyatchilikning oldini olish borasidagi ishlarni yanada kuchaytirish, mavjud muammolarni manzilli hal etish hamda deputatlik nazoratini izchil davom ettirish belgilandi.
📌Asosiy maqsad — mahallada tinchlik va osoyishtalikni ta’minlash, fuqarolarning huquq va qonuniy manfaatlarini himoya qilish hamda jinoyatchilikka sabab bo‘luvchi omillarning oldini olishdir.

🇺🇿Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt