Xalıq deputatları Bozataw rayonlıq Keńesi 12-sanlı "Aspantay" saylaw okruginen saylanǵan deputat G.Jumanazarova tárepinen kámbaǵal shańaraqlardıń turmıs sharayatı hám sociallıq jaǵdayı úyrenildi.
Deputat úylerge barıp, shańaraq aǵzaları menen ashıq sáwbetlesip, olardıń kúndelikli turmısında ushırasıp atırǵan máseleler, sociallıq hám materiallıq jaǵdayı, sonıń menen birge qollap-quwatlawǵa bolǵan mútájlikleri menen jaqınnan tanıstı.
Sáwbetlesiw dawamında puqaralardıń múrájatları, pikir-usınısları hám olardı qızıqtırǵan máseleler tıńlanıp, hár bir másele boyınsha tiyisli ilaj kóriw zárúrligi belgilep alındı.
Bunday úyreniwlerdiń tiykarǵı maqseti - kámbaǵallıqta jasap atırǵan shańaraqlardıń sociallıq-ekonomikalıq jaǵdayın tereń úyreniw, olardı kámbaǵallıqtan shıǵarıwǵa baǵdarlanǵan individual ilajlardı belgilew, shańaraqlardıń turaqlı dárejege kóteriliwin támiyinlew hám kámbaǵallıq dárejesin izbe-iz azaytıw arqalı aymaqtı kámbaǵallıqtan shıqqan aymaqqa aylandırıwǵa úles qosıwdan ibarat.