#deputatlik_faoliyati #bandlik

KAMBAG‘ALLIKNI QISQARTIRISH — MANZILLI VA AMALIY YONDASHUV

🇺🇿 Xalq deputatlari Uchtepa tumani Kengashining "6-Xondamir" saylov okrugi deputati Azizov Kamolitdin Tulyaganovich boshchiligida Sharq yulduzi mahallasida aholi bandligini ta’minlash, daromadlarini oshirish hamda kambag‘allikni qisqartirish masalalariga bag‘ishlangan o‘rganish va uchrashuv o‘tkazildi.

💼 Jarayonda Uchtepa tumani hokimining birinchi o‘rinbosari A.Azimov, ishchi guruh a’zolari hamda mahalla mas’ullari ishtirok etdi.

🕯 Uchrashuv davomida mahalladagi aholi, ayniqsa, ish bilan ta’minlashga ehtiyoji bo‘lgan fuqarolar bilan bevosita muloqot qilinib, ularning murojaat va takliflari tinglandi. Fuqarolarni ishga joylashtirish, daromad manbalarini yaratish, tadbirkorlik faoliyatiga jalb etish va mavjud imkoniyatlardan samarali foydalanish masalalariga alohida e’tibor qaratildi.

📝 Shuningdek, har bir murojaatning mazmunidan kelib chiqib, muammolarni manzilli hal etish, fuqarolarga amaliy ko‘mak ko‘rsatish hamda ularni barqaror daromad manbai bilan ta’minlash bo‘yicha tegishli tashkilotlar mas’ullariga aniq vazifalar belgilab berildi.

🧠 Mazkur uchrashuv deputatlik nazorati doirasida hududdagi ijtimoiy-iqtisodiy masalalarni joyiga chiqqan holda o‘rganish, aholi muammolarini bevosita eshitish va ularning yechimi bo‘yicha mas’ullar faoliyatini muvofiqlashtirishga qaratildi.

📈 Asosiy maqsad — mahallada ishsizlikni kamaytirish, aholi daromadlarini oshirish va ehtiyojmand oilalarni barqaror daromad manbai bilan ta’minlash orqali kambag‘allikni qisqartirishga amaliy hissa qo‘shish.