Мәмлекет басшысының баянатлары ҳәм тийкарғы ўазыйпалар

♻️ Шымбай районы «Қамыс арық» АПЖ аймағында Өзбекстан Республикасы мәмлекетлик ғәрезсизлигиниң 35 жыллығына бағышлап Президент Шавкат Мирзиёевтиң салтанатлы мәресимдеги шығып сөйлеген сөзиниң мазмун-мәнисин үгит-нәсиятлаўға қаратылған илаж болып өтти.

Илажда Халық депутатлары Шымбай районлық Кеңеси депутаты Г.Ешмуратова, Өзбекстан ХДП Шымбай районлық Кеңеси баслығы С.Нурмамбетов ҳәм де «Қамыс арық» АПЖ мәҳәлле жетилиги ағзалары қатнасты.

✅ Ушырасыўда мәмлекетимиз басшысы тәрепинен атап өтилген жаңа дәўирдеги реформалар, атап айтқанда, жасларды ўатансүйиўшилик руўхында тәрбиялаў ҳәм дене тәрбия және спортты раўажландырыўға қаратылған тийкарғы ўазыйпалар ҳәр тәреплеме додаланды. Президентимиздиң шығып сөйлеген сөзинде атап өтилген өткен 35 жыл даўамындағы жетискенликлер, атап айтқанда, соңғы жылларда өзбек спортының дүнья майданларында ерисип атырған табыслары айрықша атап өтилди. Жаңа Өзбекстанда саламат турмыс тәризин ғалаба ен жайдырыў ҳәм жас споршыларға жаратылып атырған шараятлар ғәрезсизлигимиздиң ең үлкен жетискенликлеринен бири екенлиги атап өтилди.