#Deputatlik_nazorati #24_ta_tavsiya #kotibiyat_hududlarda #haftalik_ish_reja_doirasida

KUZ-QISH MAVSUMIGA TAYYORGARLIK DEPUTATLIK NAZORATIDA

🇺🇿 Xalq deputatlari Uchtepa tumani Kengashining "6-Xondamir" saylov okrugi deputati Azizov Kamolitdin Tulyaganovich tomonidan Sharq yulduzi mahallasida joylashgan 186-sonli davlat maktabgacha ta’lim tashkilotida issiqlik tizimining 2026–2027-yillar kuz-qish mavsumiga tayyorgarlik holati o‘rganildi.

🕯 O‘rganish davomida tumandagi “Veolia Energy” korxonasiga qarashli qozonxonaning faoliyati, uning texnik holati hamda maktabgacha ta’lim tashkilotini issiqlik bilan ta’minlash imkoniyatlari ko‘zdan kechirildi. Shuningdek, issiqlik tizimining barcha mavjud tarmoqlari, quvurlar va tegishli uskunalar holati, o‘lchov ko‘rsatkichlari hamda mavsumga tayyorgarlik bo‘yicha yuritilayotgan qayd kitobi o‘rganildi.

📈 O‘rganishda aniqlangan holatlar yuzasidan mas’ullarga tegishli tavsiyalar berilib, 2026–2027-yillar kuz-qish mavsumini barqaror va sifatli o‘tkazish, issiqlik ta’minotida uzilishlarning oldini olish hamda mavjud kamchiliklarni bartaraf etish bo‘yicha vazifalar belgilab olindi.

💼 Mazkur o‘rganish mahalliy Kengash deputati faoliyatining eng muhim 24 ta tavsiyaviy yo'nalishi hamda haftalik ish reja ijrosi dorasida amalga oshirildi. Unda xalq deputatlari Uchtepa tumani Kengashi kotibiyati mudiri Anvar Usmanov ham ishtirok etdi.