Xalq deputatlari Qo‘qon shahar Kengashi deputati I.Fayzullayev tomonidan “Sobir Abdulla” mahalla fuqarolar yig‘inida yoshlar yetakchisi O.Zohidovaning O‘zbekiston Respublikasining 2016-yil 14-sentabrdagi O‘RQ-406-sonli “Yoshlarga oid davlat siyosati to‘g‘risida”gi Qonuni ijrosini ta’minlash borasida amalga oshirayotgan ishlari o‘rganildi.

O‘tkazilgan uchrashuv va o‘rganish ishlarida Xalq deputatlari Qo‘qon shahar Kengashi kotibiyati bosh mutaxassislari X.Abdullayev va A.Adxamovlar ishtirok etib, amaliy ko‘mak ko‘rsatdilar.

O‘rganish davomida mahalladagi yoshlar bilan individual ishlash, ularning bandligini ta’minlash, kasb-hunarga yo‘naltirish, tadbirkorlik tashabbuslarini qo‘llab-quvvatlash hamda og‘ir toifadagi yoshlarni ijtimoiy qo‘llab-quvvatlash bo‘yicha amalga oshirilayotgan ishlar yuzasidan ma’lumotlar tahlil qilindi.

Jumladan, hisobot davrida:

3 nafar og‘ir toifadagi yoshdan 2 nafari doimiy ish bilan ta’minlangan;

4 nafar yosh bepul kasb-hunarga o‘qitish kurslariga jalb etilgan;

4 nafar yosh ishga joylashtirilgan;

2 nafar yoshga imtiyozli kredit ajratilishida amaliy yordam ko‘rsatilgan.

Shuningdek, yoshlarning mavjud imkoniyatlardan samarali foydalanishi, ularni kasb-hunarga o‘qitish va bandligini ta’minlash, tadbirkorlik faoliyatini boshlash istagidagi yoshlarga imtiyozli kredit va boshqa ko‘maklardan foydalanishida amaliy yordam ko‘rsatish masalalari yuzasidan fikr almashildi.

Xalq deputatlari Qo‘qon shahar Kengashi