Ózbekstan Respublikası Prezidentiniń 2026-jıl 5-fevraldaǵı PQ-49-sanlı qararı tiykarında Bozataw rayonında aymaqlardı kompleksli rawajlandırıw, isbilermenlikti qollap-quwatlaw, infrastruktura obektlerin jaqsılaw hám xalıq ushın qolaylı sharayatlar jaratıw baǵdarında bir qatar jumıslar ámelge asırılmaqta.
Usı baǵdarda rayon aymaqlarında alıp barılıp atırǵan jumıslar menen tanısıw maqsetinde Xalıq deputatları Bozataw rayonlıq Keńesi 8-sanlı “Erik baǵ” saylaw okruginen saylanǵan deputat J.Jumanazarov "Erkindárya" APJ aymaǵında bolıp, bul jerde "Jańa Ózbekstan" kórinisindegi zamanagóy máhállege aylandırıw baǵdarındaǵı dóretiwshilik, abadanlastırıw hám infrastrukturanı rawajlandırıw jumısları jaqınnan úyrenildi.
Aymaqta xalıqtıń bos waqtın mazmunlı ótkeriwine, jaslar hám kekseler ushın qolaylı dem alıw hám seyil etiw orınların kóbeytiwge ayrıqsha itibar qaratılmaqta.
Sonday-aq, jaslardı sportqa keńnen tartıw, olardıń bos waqtın mazmunlı ótkeriwine sharayat jaratıw hám salamat turmıs tárizin qáliplestiriw maqsetinde WORKOUT sport maydanshasın qurıw boyınsha alıp barılıp atırǵan jumıslar da kózden ótkerildi.
Úyreniw barısında aymaqtaǵı jumıslardı sapalı hám belgilengen múddetlerde ámelge asırıw, jaratılıp atırǵan imkaniyatlardan xalıq, ásirese, jaslar nátiyjeli paydalanıwın támiyinlew máselelerine itibar qaratıldı.