Oqıw-seminarı ótkerildi

⚡️Ózbekstan Respublikası Prezidenti Sh.Mirziyoevtiń Ózbekstan Respublikası mámleketlik ǵárezsizliginiń 35 jıllıǵına baǵıshlanǵan saltanatlı máresimdegi shıǵıp sóylegen sóziniń mazmun-mánisin keń jámiyetshilikke keńnen jetkeriw maqsetinde oqıw-seminarı shólkemlestirildi.

Seminar dawamında Shımbay rayonlıq Xalıq deputatları Keńesi sekretariat baslıǵı M.Zarikeev Prezidenttiń shıǵıp sóylegen sózinde belgilengen tiykarǵı baǵdarlar, ǵárezsizlik jıllarında mámleketimizde ámelge asırılǵan reformalar, erisilgen tabıslar hám aldımızda turǵan áhmiyetli wazıypalar haqqında keńnen pikir alısıldı.

Sonday-aq, jas áwladtı Watanǵa muhabbat, milliy qádiriyatlarǵa húrmet hám ǵárezsizlik ideyalarına sadıqlıq ruwxında tárbiyalaw, jámiyette birlik hám tatıwlıqtı bekkemlew, mámleketimizdiń rawajlanıwına hár bir puqaranıń qosqan úlesin arttırıw máselelerine ayrıqsha itibar qaratıldı.

Oqıw-seminar juwmaǵında Prezidenttiń shıǵıp sóylegen sóziniń mazmun-mánisin keń jámiyetshilikke jetkeriw, onda belgilengen wazıypalardı kúndelikli jumıslarda basshılıqqa alıw hám ǵárezsizlik qádiriyatların xalıq arasında keńnen úgit-násiyatlaw boyınsha tiyisli wazıypalar belgilep alındı.