📢 YOSHLAR MASLAHAT GURUHI — YOSHLAR OVOZI VA TASHABBUSLARI MAYDONI

📍 Xalq deputatlari Sherobod tumani Kengashi huzuridagi Yoshlar maslahat guruhi yoshlarning ijtimoiy-siyosiy faolligini oshirish, ularning manfaatlarini himoya qilish va yoshlar masalalarini mahalliy darajada hal etishga ko‘maklashuvchi jamoatchilik tuzilmasidir.

🎯 Asosiy maqsadimiz:
Yoshlarga oid davlat siyosatini amalga oshirishda faol ishtirok etish, yoshlarning muammolari va takliflarini o‘rganish, ularni hal etish bo‘yicha tashabbuslarni ilgari surish hamda mahalliy Kengash deputatlariga ko‘maklashish.

🔹 Guruhning asosiy yo‘nalishlari:
▫️ yoshlar muammolarini aniqlash va ularni bartaraf etish bo‘yicha takliflar ishlab chiqish;
▫️ qonunchilik hujjatlarini o‘rganish va takomillashtirish yuzasidan takliflar berish;
▫️ hududiy dasturlarni ishlab chiqishda yoshlar manfaatlarini ilgari surish;
▫️ yoshlar masalalariga oid qarorlar ijrosida jamoatchilik nazoratida ishtirok etish;
▫️ iqtidorli va tashabbuskor yoshlarni qo‘llab-quvvatlash;
▫️ ekologik, madaniy-ma’rifiy va sport tadbirlarini tashkil etishga ko‘maklashish;
▫️ yoshlar bilan deputatlar va senatorlar uchrashuvlarini tashkil etishda ishtirok etish.

🤝 Yoshlarning fikri — muhim. Yoshlarning tashabbusi — kuch.
Yoshlar maslahat guruhi yoshlarning taklif va tashabbuslarini qo‘llab-quvvatlash, ularni mahalliy Kengash faoliyatiga keng jalb etish yo‘lida faoliyat olib boradi.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube