Xalq deputatlari Qo‘qon shahar Kengashiga 11-“O‘rmonbog‘” saylov okrugidan saylangan deputat N.Shomatov tomonidan “Davronbek” mahalla fuqarolar yig‘inida navbatdagi saylovchilar bilan uchrashuv hamda hududdagi ijtimoiy masalalarni o‘rganish ishlari olib borildi.

Uchrashuv davomida fuqarolar bilan ochiq muloqot o‘tkazilib, ularning ijtimoiy-maishiy muammolari, ehtiyojlari, taklif va murojaatlari tinglandi. Bildirilgan murojaatlarni joyida o‘rganish va ularni amaldagi tartiblar asosida hal etish bo‘yicha tegishli masalalar muhokama qilindi.

Xususan, Burchilik 2-manzilida joylashgan ko'p qavatli uyda yashovchi B.Akramova tomonidan bir martalik moddiy yordam ajratish masalasida murojaat qilindi. Murojaat mazmuni deputat tomonidan tinglanib, fuqaroning ijtimoiy holatini o‘rganish hamda mavjud imkoniyatlardan kelib chiqib, amaliy yordam ko‘rsatish masalasi ko‘rib chiqildi.

️Deputat tomonidan murojaatni tegishli tartibda o‘rganish, mas’ul tashkilotlar bilan hamkorlikda masalani hal etish va fuqaroning murojaati yuzasidan tegishli choralar ko‘rish belgilandi.

Xalq deputatlari Qo‘qon shahar Kengashi