Xalq deputatlari Uchquduq tuman Kengashi deputati A.Xayrullayev tomonidan Navoiy mahallasida deputatlik nazorati doirasida “Jazoni ijro etish muassasalaridan ozod qilingan ayrim toifadagi shaxslar ustidan ma’muriy nazorat to‘g‘risida”gi Qonun ijrosining ta’minlanishi holati o‘rganildi.

O‘rganish jarayonida mahalla profilaktika inspektori bilan birgalikda ma’muriy nazorat ostidagi shaxslar bilan olib borilayotgan profilaktik ishlar, ularning belgilangan cheklovlarga rioya etishi, hisobga olish va nazorat tadbirlarining yuritilishi hamda ijtimoiy moslashuviga ko‘maklashish masalalariga e’tibor qaratildi.

Shuningdek, qonun talablarining amaliyotda bajarilishi, mavjud muammo va kamchiliklar tahlil qilinib, aniqlangan holatlar yuzasidan tegishli tavsiyalar berildi.

Deputatlik nazorati — qonunlar ijrosini ta’minlash va fuqarolar manfaatlarini himoya qilishning muhim vositasidir.