Xalq deputatlari Sardoba tumani Kengashi deputati N. Xamidova tomonidan aholi o‘rtasida moliyaviy firibgarliklarning oldini olish, xususan, o‘zini bank xodimi sifatida tanishtirib, fuqarolarning shaxsiy ma’lumotlari hamda bank kartasi rekvizitlarini qo‘lga kiritishga urinayotgan firibgarlarning turli usullari haqida keng qamrovli targ‘ibot-tushuntirish ishlari olib borilmoqda.
Targ‘ibot tadbirlari davomida fuqarolarga bank kartasi raqami, amal qilish muddati, SMS-kod va maxfiy parollarni hech kimga bermaslik, shubhali telefon qo‘ng‘iroqlari va havolalarga ishonmaslik, bank xizmatlaridan faqat rasmiy manbalar orqali foydalanish lozimligi haqida atroflicha tushuntirishlar berildi.
Mazkur profilaktik tadbirlarning asosiy maqsadi aholining moliyaviy savodxonligini oshirish, kiberjinoyatlar va firibgarlik holatlarining oldini olish hamda fuqarolarning mol-mulki va mablag‘larini ishonchli himoya qilishga ko‘maklashishdan iborat.