🔵Xalq deputatlari Shirin shahar Kengashi deputatlari N. Alimova va D. Djumaboyeva tomonidan hududlarda “Yashil makon” umummilliy loyihasi doirasida ekilgan ko‘chatlarning holati o‘rganildi.

✍️O‘rganish jarayonida ko‘chatlarning parvarishlanishi, sug‘orish ishlari, yashovchanlik darajasi hamda hududlarni ko‘kalamzorlashtirish bo‘yicha amalga oshirilayotgan ishlar ko‘zdan kechirildi. Shuningdek, mas’ullar bilan suhbat o‘tkazilib, ekilgan ko‘chatlarni saqlab qolish va ularning to‘liq rivojlanishini ta’minlash yuzasidan tavsiya va takliflar bildirildi.

✍️Deputatlar tomonidan “Yashil makon” loyihasi doirasida amalga oshirilayotgan ishlar doimiy nazoratda bo‘lishi, ekologik barqarorlikni ta’minlash va yashil hududlar maydonini kengaytirish borasidagi sa’y-harakatlarni yanada kuchaytirish zarurligi ta’kidlandi.

✅Xalq deputatlari Shirin shahar Kengashi kotibiyati