Bugun xalq deputatlari Mirzo Ulug‘bek tumani Kengashining Mahalliy budjet, tadbirkorlikni rivojlantirish va iqtisodiy islohotlarni amalga oshirish hamda Qurilish, kommunal sohalar, agrar, ekologiya, sanoat va transport masalalari bo‘yicha doimiy komissiyalari yig‘ilishi bo‘lib o‘tdi. Unda komissiya a’zolari, hisobot beruvchi mas’ullar, Kengash huzuridagi ekspert va Yoshlar maslahat guruhi a’zolari ishtirok etdilar.

Yig‘ilishda Mirzo Ulug‘bek tumani mahalliy byudjetining 2026-yil 2-chorak daromadlar rejasini orttirib bajarilgan qismi mablag‘larini xarajatlarga yo‘naltirish to‘g‘risida va Mirzo Ulug‘bek tumani hududida maishiy chiqindilarni to‘plash va olib chiqib ketish hamda xizmat ko‘rsatish uchun majburiy to‘lovlar bo‘yicha amalga oshirilayotgan ishlar to‘g‘risidagi masalalar yuzasidan mutasaddi rahbarlarning hisobotlari deputatlar tomonidan ko‘rib chiqildi.

Mazkur masalalar deputatlar tomonidan atroflicha o‘rganilib, belgilangan tartibda taklif va tasiyalar kiritildi.