Xalq deputatlari Paxtakor tumani Kengashi deputatlari U.Safarov va K.Mamanova Paxtakor mahallasida joylashgan 12-sonli umumta’lim maktabida bo‘lib, yoshlarning yozgi ta’tilini mazmunli va samarali tashkil etishga qaratilgan “Dolzarb 90 kun” tadbirlarini yuqori darajada o‘tkazish chora-tadbirlari doirasida faoliyat yuritayotgan ingliz tili to‘garagi bilan tanishdilar.

Tashrif davomida deputatlar to‘garak mashg‘ulotlarining tashkil etilishi, o‘quvchilarning chet tillarini o‘rganishga bo‘lgan qiziqishi hamda ularga yaratilgan sharoitlar bilan yaqindan tanishib, yoshlarning bo‘sh vaqtini foydali va mazmunli o‘tkazish borasida amalga oshirilayotgan ishlarni ijobiy baholadilar.

Shuningdek, yoshlarning bilim va ko‘nikmalarini oshirish, ularning kelajakda raqobatbardosh kadr bo‘lib yetishishiga ko‘maklashuvchi bunday to‘garaklar faoliyatini yanada qo‘llab-quvvatlash muhim ekani ta’kidlandi.

Slide 1 of 5