O‘rta Chirchiqda Konstitutsiya oyligi doirasida huquqiy targ‘ibot tadbiri o‘tkazildi

O‘zbekiston Respublikasi Konstitutsiyasining 33 yilligi munosabati bilan 1-7-dekabr kunlari O‘rta Chirchiq tumanida "Konstitutsiya-huquqiy davlat kafolati" mavzusida targ‘ibot tadbirlari davom etmoqda.

Shu munosabat bilan "Beshboy" mahallasidagi 68-maktabda aholi, deputat va o‘quvchilar ishtirokida ochiq muloqot tashkil etildi. Tadbir davomida Konstitutsiyaning ahamiyati, aholining konstitutsiyaviy huquq va majburiyatlari, shuningdek, huquqiy madaniyatni oshirish masalalari keng yoritildi.

Uchrashuv ochiq savol-javob ruhida o‘tib, ishtiroklarning qiziqtirgan masalalariga atroflicha javoblar berildi.