2025-yil 28-iyun kuni Xalq deputatlari Zarbdor tuman Kengashi huzuridagi ekspert guruhi navbatdagi sessiyaga qo‘yilgan masalalarni muhokama qildi. Unda tumandagi
ijtimoiy-iqtisodiy hayot va mahallalar faoliyatini yanada takomillashtirishga qaratilgan bir qator masalalar ko‘rib chiqildi. Muhokamada O‘zbekiston mahallalari uyushmasi Zarbdor tumani bo‘limining mahallalar faoliyatini muvofiqlashtirish, “mahallalar yettiligi” faoliyati,
tashkiliy-nazorat va axborot-tahlil bo‘yicha yetakchi mutaxassisi S. Umirzoqov, Tuman 11-sonli bolalar musiqa va san’at maktabi direktori Sh. Bekto‘rayeva, “Tinchlik” mahalla fuqarolar yig‘ini hokim yordamchisi Sh. Pardaboyev, shuningdek, Davlat muassasalari va jamoat xizmati xodimlari kasaba uyushmasi Zarbdor tuman Kengashi raisi A. Xo‘jaqulovlar ishtirok etdilar. 

Muhokama davomida mahallalarning ijtimoiy faolligini oshirish, yoshlar
va ayollar bandligini ta’minlash, mahalliy muammolarni tezkor hal etish
bo‘yicha amaliy takliflar ilgari surildi. Shuningdek, aholi bilan bevosita
ishlashda samaradorlikni oshirishga doir dolzarb vazifalar belgilab olindi.