#Ezgulik

"Afsona" bolalar oromgohida madaniy tadbiri o‘tkazildi

Xalqaro mehnat tashkilotining tashabbusi bilan 12-iyun dunyo bo‘ylab "Butunjahon bolalar mehnatiga qarshi kurash kuni" sifatida nishonlanadi.

Bugun O‘zbekiston Kasaba uyushmalari Federatsiyasi Toshkent viloyati Kengashi tomonidan Bo‘stonlik tumanidagi "Afsona" bolalar oromgohida mazkur sanaga bag‘ishlab madaniy tadbir o‘tkazildi.

Unda intellektual va quvnoq harakatli o‘yinlar tashkil etildi, samimiy davra suhbati bo‘lib o‘tdi. Zukko va chaqqon, faol bolalar kasaba tashkilotchilar tomonidan esdalik sovg‘alari bilan taqdirlandi.

Tadbirda O‘zbekiston Kasaba uyushmalari Federatsiyasi Toshkent viloyati Kengashi raisi Sayyora Fayziyeva ishtirok etdi.