15-aprel –Ekologik bilimlar kuni munosabati bilan Marg'ilon shahrida o'quvchilar bilan uchrashuv o'tkazildi 

✅Ushbu sana munosabati bilan Marg‘ilon shahridagi Abu Ali ibn Sino nomidagi jamoat salomatligi texnikumida ham ma’naviy-ma’rifiy uchrashuv tashkil etildi. Tadbirda O‘zbekiston Ekologik partiyasi Marg‘ilon shahar partiya tashkiloti raisi 25-Orol bo‘yi okrugi deputati Matlubaxon Abdurahmonova ishtirok etdi. 

✅Uchrashuv davomida Matlubaxon Abdurahmonova o‘quvchilar bilan atrof-muhit muhofazasi, ekologik xavfsizlik, iqlim o‘zgarishlari va ularning inson salomatligiga ta’siri haqida suhbat olib bordi. U ekologik savodxonlikning yoshlarda shakllanishi bevosita ularninghayot tarziga, sog‘lig‘iga va kelajakdagi faoliyatiga ijobiy ta’sir ko‘rsatishini ta’kidladi. 

✅Tadbir davomida texnikum o‘quvchilari o‘zlarini qiziqtirgan savollar bilan murojaat qilishdi, atrof-muhit muhofazasi borasidagi fikr-mulohazalari bilan o‘rtoqlashdilar. Uchrashuv so‘ngida ekologik madaniyatni targ‘ib etish bo‘yicha kelgusidagi reja va loyihalar haqida fikr almashildi.