Milliy hunarmandchilik an’analari davom ettirilmoqda

Xalq deputatlari Namangan viloyati Kengashi kotibiyati mudiri T.Gapparov, Xalq deputatlari Namangan shahar Kengashi raisi R.Isakov, Xalq deputatlari Namangan shahar Kengashi kotibiyati mudiri N.Ubaydullayev hamda Xalq deputatlari Namangan shahar Kengashi deputati Z.Sapaev ishtirokida “Chaman” mahalla fuqarolar yig‘ini hududida oilaviy tadbirkorlik bilan shug‘ullanib kelayotgan fuqaro R.Abdullayevning hunarmandchilik faoliyati, xususan, milliy beshiklar tayyorlash jarayoni bilan tanishildi.

Tanishuv davomida hunarmand tomonidan tayyorlanayotgan milliy beshiklarning sifati, ularni yasashda qo‘llanilayotgan an’anaviy usullar, mahsulotlarning bozordagi o‘rni hamda faoliyatni yanada kengaytirish istiqbollari yuzasidan fikr almashildi.

Shuningdek, oilaviy tadbirkorlikni qo‘llab-quvvatlash, milliy hunarmandchilik an’analarini asrab-avaylash va rivojlantirish, aholi bandligini ta’minlash hamda yangi ish o‘rinlarini yaratish masalalariga alohida e’tibor qaratildi.

Uchrashuv davomida hunarmandchilik faoliyatini yanada rivojlantirish, mahsulotlar turini kengaytirish va ushbu yo‘nalishda mavjud imkoniyatlardan samarali foydalanish yuzasidan tegishli tavsiya hamda takliflar bildirildi. Mazkur faoliyat milliy qadriyatlarni asrab-avaylash, ularni kelgusi avlodlarga yetkazish va mahallada tadbirkorlikni rivojlantirishda muhim ahamiyat kasb etishi ta’kidlandi.