Xalq deputatlari Chilonzor tumani Kengashining Qurilish, kommunal, suv xo‘jaligi, ekologiya va sanoat masalalari bo‘yicha doimiy komissiyasi tomonidan Chilonzor tumani Obodonlashtirish boshqarmasining kuz-qish mavsumiga tayyorgarlik holati o‘rganildi.

O‘rganish davomida boshqarmaning kuz-qish mavsumida hududlarda obodonlashtirish ishlarini uzluksiz tashkil etish, sanitariya va tozalikni ta’minlash, yashil hududlarni saqlash hamda noqulay ob-havo sharoitlarida zarur ishlarni o‘z vaqtida amalga oshirish imkoniyatlari ko‘rib chiqildi.

Shuningdek, korxona tasarrufidagi maxsus texnika va transport vositalarining texnik holati, ularning mavsumiy ishlarni bajarishga tayyorgarligi, sozligi hamda zarur hollarda foydalanishga shayligi ko‘zdan kechirildi.

Bundan tashqari, kuz-qish mavsumida foydalaniladigan texnik vositalar, zarur jihoz va anjomlarning mavjudligi, ularni saqlash va texnik xizmat ko‘rsatish holatiga alohida e’tibor qaratildi.

O‘rganish jarayonida mavjud texnik imkoniyatlar, mavsum davomida yuzaga kelishi mumkin bo‘lgan vaziyatlarga tayyorgarlik darajasi hamda aniqlangan kamchiliklarni bartaraf etish bo‘yicha ko‘rilayotgan choralar tahlil qilindi.

O‘rganish yakunlari bo‘yicha kuz-qish mavsumini barqaror va tizimli tashkil etish, maxsus texnikalarning doimiy shay holatini ta’minlash hamda obodonlashtirish ishlarining uzluksizligini ta’minlash yuzasidan tegishli tavsiya va takliflar bildirildi.