Ko‘chkak mahallasida elektr ta’minoti infratuzilmasi yangilanmoqda

🏘 Xalq deputatlari Boysun tuman Kengashining 16-“Ko‘chkak” saylov okrugidan saylangan deputati B.Qodirov tomonidan Ko‘chkak mahallasida amalga oshirilayotgan infratuzilma ishlari o‘rganildi.

📄 Mazkur ishlar xalq deputatlari Boysun tuman Kengashining 2026 yil 3 martdagi VII-20-18-8-110-K/26-sonli qarori bilan tasdiqlangan manzilli dastur doirasida amalga oshirilmoqda. Qarorda Ko‘chkak MFY uchun jami 3 mlrd so‘mlik loyihalar belgilangan.

⚡️ Jumladan, Ko‘chkak mahallasida tadbirkorlar uchun qulay sharoit yaratish yo‘nalishida 2 ta transformator o‘rnatish — 350 mln so‘m, 50 ta tungi yoritish chiroqlarini o‘rnatish — 110 mln so‘m, shuningdek, mavjud suv tarmog‘ini yangilash va ichki yo‘llarni ta’mirlash ishlari belgilangan.

🔌 O‘rganish davomida mahallada elektr ta’minoti bilan bog‘liq infratuzilmani yaxshilash, mavjud elektr tarmoqlarining holati va aholi uchun xavfsiz hamda barqaror elektr ta’minotini ta’minlashga qaratilgan ishlar ko‘zdan kechirildi.

👷‍♂️ Deputat tomonidan amalga oshirilayotgan ishlarning belgilangan loyiha talablari asosida sifatli bajarilishi, aholiga qulaylik yaratishi hamda infratuzilma ob’ektlaridan samarali foydalanish masalalariga e’tibor qaratildi.

🤝 Shuningdek, aniqlangan masalalar yuzasidan mas’ullar bilan fikr almashilib, belgilangan ishlar ijrosini ta’minlash va ularni o‘z vaqtida yakunlash bo‘yicha tegishli tavsiyalar bildirildi.