Tuzbozor mahallasida ichimlik suvi ta’minoti masalasi o‘rganildi

🏘 Xalq deputatlari Boysun tuman Kengashining 22-“Tuzbozor” saylov okrugidan saylangan deputati Saidov Husniddin Sirojiddinovich tomonidan Tuzbozor mahallasida yashovchi bir guruh fuqarolarning murojaati o‘rganildi. Mazkur murojaat asosida 2026 yil 28 sentyabrda 119-ds-398-26-sonli deputat so‘rovi rasmiylashtirildi.

🚰 Murojaatda mahallaning “Navoiy” ko‘chasida aholini ichimlik suvi bilan ta’minlab kelayotgan suv quvurlari yaroqsiz holga kelib qolgani, quvurlardan suv sizib chiqishi natijasida ko‘cha yo‘llarining holati ham yomonlashayotgani bildirilgan.

📋 Aniqlangan muammoni bartaraf etish maqsadida deputat tomonidan Boysun tumani hokimining o‘rinbosari O.Azizovga hamda “Surxondaryo suv ta’minoti” AJ Boysun tumani filiali boshlig‘i B.Qaxhorovga deputatlik so‘rovi yuborildi.

🔧 So‘rovda “Navoiy” ko‘chasidagi yaroqsiz va ta’mirtalab ichimlik suvi quvurlarini o‘rganish, zarur hollarda ularni ta’mirlash yoki yangisiga almashtirish hamda aholini uzluksiz ichimlik suvi bilan ta’minlash choralarini ko‘rish so‘ralgan. Shuningdek, muammoni joyiga chiqqan holda o‘rganib, amalga oshirilgan ishlar to‘g‘risida belgilangan tartibda ma’lumot taqdim etish belgilangan.

🤝 Mazkur ishlarda asosiy e’tibor aholi murojaatini joyiga chiqqan holda o‘rganish, mavjud muammoni mas’ul tashkilotlar bilan hamkorlikda hal etish va fuqarolar uchun barqaror ichimlik suvi ta’minotini ta’minlashga qaratilmoqda.