#Haftalik_ish_reja_ijrosi
#Doimiy_komissiya_faoliyatidan
#162_ta_qonun
FUQAROLAR MUROJAATLARI: QONUNCHILIKDA NIMALAR BELGILANGAN?

Fuqarolarning davlat organlari va tashkilotlarga murojaat qilish huquqi qonunchilik bilan kafolatlangan.

O‘zbekiston Respublikasining “Jismoniy va yuridik shaxslarning murojaatlari to‘g‘risida”gi O‘RQ-445-son Qonunining 3-moddasida murojaatlarning asosiy turlari va ular bilan bog‘liq tushunchalarga huquqiy ta’riflar berilgan.

Xususan:
Ariza — huquqlar, erkinliklar va qonuniy manfaatlarni amalga oshirishda yordam ko‘rsatish to‘g‘risidagi iltimos bayon etilgan murojaat.
Taklif — davlat va jamiyat faoliyatini takomillashtirishga doir tavsiyalarni o‘z ichiga olgan murojaat.
Shikoyat — buzilgan huquqlar, erkinliklar va qonuniy manfaatlarni tiklash hamda himoya qilish to‘g‘risidagi talab bayon etilgan murojaat.

Qonunning 3-moddasida, shuningdek, elektron murojaat, takroriy murojaat, anonim murojaat, murojaatning dublikati, ommaviy qabul, videokonferensaloqa, davlat ishtirokidagi tashkilot va ishonch telefoni kabi tushunchalarning huquqiy mazmuni ham belgilangan.

Murojaatning mazmuni va maqsadiga mos ravishda uning turini to‘g‘ri belgilash murojaatni mazmunan aniq ifodalash hamda qonunchilikda belgilangan tartibda ko‘rib chiqilishi uchun muhimdir.

Huquqiy asos: O‘zbekiston Respublikasining “Jismoniy va yuridik shaxslarning murojaatlari to‘g‘risida”gi O‘RQ-445-son Qonuni, 3-modda.

Shermuxamedova Fazilatxon Muxiddinovna
Xalq deputatlari Sherobod tumani Kengashi “Korrupsiyaga qarshi kurashish va xavfsizlik masalalari bo‘yicha doimiy komissiya”si raisi 12-“Cho‘mishli-Taroqli” saylov okrugi deputati

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube