Chilonzor tumanida aholini ijtimoiy qo‘llab-quvvatlash va kambag‘allikni qisqartirish borasida belgilangan vazifalar ijrosini ta’minlash maqsadida mahallabay o‘rganish ishlari davom ettirilmoqda.
Navbatdagi o‘rganish ishlari “Gavhar” mahallasida tashkil etilib, unda Xalq deputatlari Chilonzor tuman Kengashi deputati Ahmedov Shuxrat Murotovich ham faol ishtirok etdi.
Tuman hokimining birinchi o‘rinbosari M. Abdukadirov boshchiligidagi Kambag‘allik va ishsizlikni qisqartirish masalalari bo‘yicha maxsus shtab a’zolari bilan birgalikda mahallada ijtimoiy reyestrda turuvchi 7 ta oilaning ijtimoiy holati, ehtiyojlari va mavjud muammolari o‘rganildi.
O‘rganishlar davomida fuqarolar bilan bevosita muloqot qilinib, quyidagi masalalarga alohida e’tibor qaratildi:
🔹 ishga joylashtirish va bandlikni ta’minlash;
🔹 kasb-hunarga o‘rgatish kurslariga yo‘llanma berish;
🔹 salomatlikni tiklash va tibbiy ko‘mak ko‘rsatish;
🔹 ijtimoiy qo‘llab-quvvatlash choralarini belgilash.
Muloqotlar natijasida 2 nafar fuqaroga tibbiy ko‘mak ko‘rsatish, 1 nafar fuqaroni doimiy ishga joylashtirish hamda 1 nafar fuqaroning ijara to‘lovini qoplab berish bo‘yicha tegishli choralar belgilandi.
Deputat Ahmedov Shuxrat Murotovich o‘rganish jarayonida fuqarolarning murojaatlarini tinglab, aniqlangan masalalarni tegishli mas’ullar bilan muhokama qilish va ularning ijrosini nazoratga olishda ishtirok etdi.