🏛 Xalq deputatlari Uchquduq tuman Kengashi kotibiyat mudiri M.Kamolova hamda kotibiyat bosh mutaxassisi T.Xaydarov tomonidan Kengashning 2026-yil 30-iyundagi VII-28-72-5-76-K/26-sonli qarori ijrosi doirasida amalga oshirilayotgan ishlar o‘rganildi.

🔎 O‘rganish jarayonida tuman Maktabgacha va maktab ta’limi bo‘limiga qarashli 3-sonli umumta’lim maktabida inklyuziv ta’lim olayotgan o‘quvchilar uchun yaratilgan sharoitlarga alohida e’tibor qaratildi.

♿️ Xususan, alohida ta’lim ehtiyojlari bo‘lgan o‘quvchilarning ta’lim olishi uchun mavjud imkoniyatlar, maktabdagi shart-sharoitlar, ta’lim jarayonining tashkil etilishi hamda o‘quvchilarning ta’lim olish huquqlarini ta’minlash borasida olib borilayotgan ishlar ko‘zdan kechirildi.

👩‍🏫 Shuningdek, inklyuziv ta’lim jarayonida o‘quvchilarga zarur pedagogik yondashuvni ta’minlash, ularning tengdoshlari qatorida bilim olishi va maktab hayotida faol ishtirok etishi uchun yaratilayotgan imkoniyatlar yuzasidan fikr-mulohazalar o‘rganildi.

🤝 Inklyuziv ta’limni rivojlantirish, ta’lim muassasalarida barcha o‘quvchilar uchun teng va qulay sharoitlarni ta’minlash hamda bu boradagi ishlarning samaradorligini oshirish masalalari doimiy e’tiborda.

🌱 Har bir bola — e’tibor va sifatli ta’limga munosib!