Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston Ekologik partiyasidan saylangan deputat S.Ramatjonov tomonidan tumanning “Daxana” mahallasiga biriktirilgan ijtimoiy xodim J.Nurmetovning aholini ijtimoiy qo‘llab-quvvatlash, ehtiyojmand oilalarni aniqlash hamda “Ijtimoiy reyestr”ga kiritilgan oilalar bilan manzilli ishlash bo‘yicha faoliyati o‘rganildi.

🔻O‘rganish jarayonida mahallada ijtimoiy himoyaga muhtoj oilalarni aniqlash, ularning ijtimoiy holatini o‘rganish va mavjud muammolarini hal etish bo‘yicha amalga oshirilayotgan ishlar tahlil qilindi.

Ma’lum bo‘lishicha, mahallada jami 47 ta oila ijtimoiy reyestrga kiritilgan bo‘lib, ushbu oilalar tarkibida 161 nafar oila a’zosi mavjud. Mazkur oilalarning ijtimoiy holati va ehtiyojlaridan kelib chiqib, ular bilan manzilli ish olib borilmoqda.
Xususan, reyestrga kiritilgan oilalar orasida 6 ta oila davlat ta’minotida, 6 ta oila kambag‘al oila sifatida qayd etilgan. Shuningdek, kambag‘allik chegarasida bo‘lgan oilalar bilan ham alohida ish olib borilmoqda.
O‘rganish davomida ijtimoiy xodim tomonidan oilalarning holatini muntazam kuzatib borish, ularning ehtiyojlarini aniqlash va mavjud muammolarni tegishli tashkilotlar bilan hamkorlikda hal etishga qaratilgan tizimli ishlar yo‘lga qo‘yilgani qayd etildi.

🔻Deputat tomonidan ijtimoiy reyestrga kiritilgan har bir oila bilan individual ishlash, ularning ijtimoiy holatidagi o‘zgarishlarni muntazam tahlil qilib borish, mavjud muammolarni erta aniqlash va zarur yordamlarni manzilli tashkil etish muhimligi ta’kidlandi.

🔻Shu bilan birga, kambag‘al oilalarni mavjud imkoniyatlardan foydalangan holda qo‘llab-quvvatlash, ularning bandligi va daromad manbalarini oshirishga ko‘maklashish, kambag‘allik chegarasida turgan oilalar bilan esa profilaktik va manzilli ishlarni kuchaytirish bo‘yicha tavsiyalar berildi.