#Deputatlik_nazorati #162_ta_eng_muhim_qonun #ekspert_guruhlari

INKLYUZIV TA’LIM UCHUN YARATILAYOTGAN SHAROITLAR O‘RGANILDI

📁 Xalq deputatlari Uchtepa tumani Kengashining 2026-yil 20-iyuldagi III-31-62-14-202-K/26-son qarori asosida tumandagi nogironligi bo‘lgan bolalarni ta’limga jalb qilish va ular uchun munosib sharoit yaratish bo‘yicha belgilangan vazifalar ijrosini o‘rganish maqsadida Xuroson mahallasida joylashgan 355-sonli ayrim fanlari chuqur o‘qitiladigan sinflari mavjud umumiy o‘rta ta’lim maktabida o‘rganish ishlari olib borildi.

💼 Mazkur o‘rganishda xalq deputatlari Uchtepa tumani Kengashi kotibiyati mudiri Anvar Usmanov, kotibiyat bosh mutaxassisi Zarnigor Kuziyeva hamda ekspert guruhi a’zolari ishtirok etib, maktabda inklyuziv ta’lim yo‘nalishida o‘quvchilar uchun yaratilgan sharoitlar, ularga ajratilgan xonalar hamda ta’lim jarayonining tashkil etilishi bilan bog‘liq masalalarni joyiga chiqqan holda ko‘rib chiqdilar.

🗂 Shuningdek, o‘rganish jarayonida 2020-yil 15-oktabrdagi “Nogironligi bo‘lgan shaxslarning huquqlari to‘g‘risida”gi O‘zbekiston Respublikasining O‘RQ-641-sonli Qonuni talablari asosida inklyuziv ta’limni tashkil etish, nogironligi bo‘lgan bolalarning ta’lim olish huquqlarini ta’minlash hamda ular uchun zarur sharoitlar yaratilganligi ijrosi deputatlik nazoratida o‘rganildi.

🧠 Inklyuziv ta’lim yo‘nalishida faoliyat olib borayotgan o‘qituvchilar bilan suhbat o‘tkazilib, o‘quvchilar bilan ishlash jarayoni, mavjud imkoniyatlar va ehtiyojlar yuzasidan fikrlar tinglandi. O‘rganish davomida Kengash qarorida belgilangan vazifalar ijrosi bilan bir qatorda, amaldagi qonunchilik talablari asosida ta’lim olish uchun zarur shart-sharoitlarning yaratilganligi ham ko‘rib chiqildi.

📝 Aniqlangan masalalar yuzasidan mas’ullarga tegishli tavsiya va ko‘rsatmalar berilib, inklyuziv ta’lim talablariga rioya etilishi, nogironligi bo‘lgan o‘quvchilar uchun munosib sharoitlarni yanada takomillashtirish hamda qonun hujjatlarida belgilangan vazifalar ijrosini ta’minlash masalalari nazoratga olindi.