🔰PO‘LOTI MAHALLASIDA ICHKI YO‘LLARNI ASFALTLASH MASALASI MUHOKAMA QILINDI

O‘zbekiston Respublikasi Oliy Majlisi Qonunchilik palatasi deputati J.Shirinovning yordamchisi D.Radjabova hamda Xalq deputatlari Jondor tumani Kengashi kotibiyati bosh mutaxassisi R.Murodov hamkorligida Po‘loti mahallasida hududdagi mavjud muammolarni o‘rganish va aholi murojaatlariga yechim topish maqsadida o‘rganish ishlari olib borildi.
✔️O‘rganish davomida mahalla raisi va qishloq oqsoqollari ishtirokida hududdagi ichki yo‘llarning holati, ularni obodonlashtirish hamda aholi uchun qulay harakatlanish sharoitlarini yaratish masalalari muhokama qilindi.
✔️Xususan, «Tashabbusli budjet» loyihasi doirasida ajratiladigan mablag‘lar hisobidan mahalladagi ichki yo‘llarni belgilangan tartibda asfaltlashtirish imkoniyatlari yuzasidan fikr almashildi. Bu borada mavjud muammoli uchastkalarni aniqlash, ishlar ko‘lamini belgilash va loyihani belgilangan tartibda shakllantirish bo‘yicha takliflar bildirildi.
✔️Muloqot jarayonida mahalla aholisini qiynayotgan masalalarni joyida o‘rganish, ularni tegishli tashkilotlar bilan hamkorlikda hal etish hamda deputatlik nazoratini kuchaytirish muhimligi ta’kidlandi.
✔️Aholi uchun munosib va qulay yashash sharoitlarini yaratish, xususan, ichki yo‘llarni yaxshilash borasidagi ishlar deputatlik nazorati asosida izchil davom ettiriladi.

🇺🇿Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt