Ekologiya partiyası deputatları paxta terimi mapazında belsene qatnastı

⚡️⚡️⚡️ Shımbay rayonındaǵı paxta terimi máwsiminde Ózbekstan “Ekologiyalıq” partiyasınan saylanǵan deputatlar Sh.Abdikarimov, A.Turǵanbaev, Sh.Berdimuratov hámde A.Sultanbaev belsene qatnasıp, máwsimlik awıl xojalıǵı jumısların qollap-quwatlawǵa óz úleslerin qostı.

Deputatlar paxta atızlarında bolıp, terim procesi menen tanıstı jáne paxta zúráátin sapalı hám shólkemleskenlik penen jıynap-terip alıw jumıslarında ámeliy járdem kórsetti. Sonday-aq, terimshiler ushın jaratılǵan miynet sharayatları, qáwipsizlik qaǵıydalarına ámel etiliwi hám máwsim dawamında zárúr sharayatlardı támiyinlew máselelerine itibar qaratıldı.

Bul baslama deputatlardıń xalıq penen jaqınnan pikirlesiw, aymaqtaǵı bar mashqalalardı ornına shıqqan halda úyreniw hám jámietlik jumıslarda belsene qatnasıw baǵdarındaǵı jumısınıń bir kórinisi boldı.

Deputatlardıń aymaqlardaǵı ámeliy qatnasıwı hám jámiechilik penen birge islesiwi jergilikli dárejedegi mashqalalardı úyreniw jáne olardı sheshiwge qaratılǵan deputatlıq jumıstıń áhmietli baǵdarlarınan biri bolıp esaplanadı.