Xalq deputatlari Bag‘dod tumani Kengashining “8-Qaroqchitol” saylov okrugi deputati O.Gaziyev hamda Kengash Kotibiyati mudiri G‘.Abdullayevlar tomonidan “Qorovultepa” mahalla fuqarolar yig‘inida 2026-yilgi ijtimoiy-iqtisodiy rivojlantirish dasturiga kiritilgan loyihaning ijrosi joyiga chiqib o‘rganildi.

O‘rganish davomida “Qorovultepa” mahalla fuqarolar yig‘ini Xalq deputatlari Bag‘dod tumani Kengashining 2026-yil 11-fevraldagi VII-18-8-11-152-K/26-sonli qarori bilan og‘ir hudud sifatida belgilanganligi, hududni rivojlantirish uchun ajratilgan mablag‘larning maqsadli va samarali sarflanishi hamda loyiha doirasida amalga oshirilayotgan ishlarning holati ko‘zdan kechirildi.

Loyiha doirasida aholi tomorqalarini sug‘orish imkoniyatlarini yaxshilash maqsadida 3 dona sug‘orish qudug‘ini qazish belgilangan.

Hozirgi kunga qadar belgilangan 3 dona sug‘orish qudug‘i qazilgan hamda ularni elektr energiyasi bilan ta’minlash maqsadida transformator o‘rnatilgan. Ayni paytda loyiha doirasidagi qolgan ishlar davom ettirilmoqda.

O‘rganish yakunlari bo‘yicha loyihani belgilangan talablar asosida sifatli va o‘z muddatida yakunlash yuzasidan mas’ullarga tegishli tavsiya va ko‘rsatmalar berildi.

Loyihaning to‘liq yakunlanishi va ishga tushirilishi, shuningdek, ajratilgan mablag‘lardan maqsadli foydalanish masalalari deputatlik nazoratiga olindi.