Deputatining ijtimoiy yo‘nalishdagi amaliy tashabbuslari

Xalq deputatlari Qo‘shko‘pir tuman Kengashi deputati N.Ibrahimova hududdagi mavjud ijtimoiy muhitni o‘rganish, aholi muammolarini yaqindan tinglash va ehtiyojmand qatlam vakillariga ko‘mak ko‘rsatish maqsadida Dovud mahallasida bo‘ldi.
O‘rganishlar davomida davlat tomonidan ijtimoiy ta’minotga olingan hamda ijtimoiy himoyaga muhtoj bo‘lgan Shahnoza Darveshova xonadonida bo‘lib, oilaning turmush sharoitlari va mavjud ehtiyojlari yaqindan o‘rganildi.
Suhbat chog‘ida ko‘rsatilayotgan ijtimoiy g‘amxo‘rlikning mantiqiy davomi sifatida, homiylar va saxovatpesha tadbirkorlar ko‘magida xonadonga mikroto‘lqinli pech sovg‘a qilindi. Bu kabi amaliy sa’y-harakatlar hududdagi aholini ijtimoiy qo‘llab-quvvatlash, ularning turmush sharoitlarini yaxshilash hamda jamiyatda o‘zaro hamjihatlik va mehr-oqibat muhitini mustahkamlashga xizmat qiladi.