«Eng muhim 24 ta yo‘nalish»ning 3-bandi ijrosini ta’minlash, mahallalarda aholi va bolalar uchun yaratilgan sport infratuzilmasi, ulardagi sport anjomlarining mavjudligi va moddiy-texnik holatini o‘rganish maqsadida monitoring ishlari olib borilmoqda.

Shu munosabat bilan Xalq deputatlari Chilonzor tumani Kengashi deputati, Xalq demokratik partiyasi a’zosi Mahmudova Donoxon Artikovna tomonidan Charx Kamolon-3 mahallasida belgilangan vazifalar ijrosi yuzasidan o‘rganish ishlari amalga oshirildi.

O‘rganish davomida mahalla hududidagi sport inshootlari va sport bilan shug‘ullanish uchun yaratilgan shart-sharoitlar, sport obyektlarining moddiy-texnik bazasi hamda mavjud infratuzilmaning holatiga e’tibor qaratildi.

Shuningdek, hududda ta’mirlash ishlari olib borilayotgani qayd etilib, ta’mirlash jarayonining belgilangan talablar asosida tashkil etilishi, sport obyektlarining foydalanishga tayyorligi va aholi, ayniqsa, yoshlar uchun qulay hamda xavfsiz sharoitlarni yaratish masalalari ko‘rib chiqildi.

O‘rganish jarayonida quyidagi yo‘nalishlarga alohida e’tibor qaratildi:

Sport inshootlarining texnik va sanitariya holatini baholash;

Sport zallari va anjomlarining mavjudligi hamda foydalanishga yaroqlilik darajasini o‘rganish;

Ta’mirlash ishlarining borishi va sifat ko‘rsatkichlarini monitoring qilish;

Bolalar va yoshlarning sport bilan muntazam shug‘ullanishi uchun zarur shart-sharoitlarni ta’minlash;

Sport obyektlarining xavfsizligi va foydalanish samaradorligini oshirish.

Aholi, ayniqsa, yoshlar uchun zamonaviy va xavfsiz sport infratuzilmasini yaratish, sog‘lom turmush tarzini targ‘ib qilish hamda sport obyektlaridan samarali foydalanishni ta’minlash deputatlik nazoratining muhim yo‘nalishlaridan biridir.