O‘rganish jarayonida, xususan, suyultirilgan gaz bilan ta’minlanadigan xonadonlarga gaz yetkazib berish, shuningdek, tabiiy gaz bilan ta’minlangan aholi xonadonlariga uzluksiz va barqaror gaz yetkazib berish bo‘yicha ko‘rilayotgan chora-tadbirlarga alohida e’tibor qaratildi.

Kuz-qish mavsumida aholining tabiiy va suyultirilgan gazga bo‘lgan ehtiyojini o‘z vaqtida ta’minlash, gaz ta’minotida uzilishlarning oldini olish, mavjud tarmoq va infratuzilmalarning mavsumga tayyorgarligini ta’minlash hamda yuzaga kelishi mumkin bo‘lgan muammolarni oldindan bartaraf etish masalalari tahlil qilindi.

Shuningdek, aholidan kelib tushayotgan murojaatlarni o‘z vaqtida ko‘rib chiqish, gaz yetkazib berish jarayonida qonuniylik va belgilangan tartiblarga rioya etish, xizmat ko‘rsatish sifatini yanada oshirish yuzasidan mas’ullarga tegishli tavsiyalar berildi.

Mazkur o‘rganishlar deputatlik nazoratini kuchaytirish, kuz-qish mavsumini barqaror o‘tkazish hamda aholini yoqilg‘i-energetika resurslari bilan uzluksiz ta’minlashga qaratilgan chora-tadbirlarning samaradorligini oshirishga xizmat qiladi.