Eski To‘da mahallasidagi savdo do‘konlarida narx-navo holati o‘rganildi

Xalq deputatlari tuman Kengashi deputati Sh.Abdurahimov Eski To‘da mahallasida faoliyat yuritayotgan savdo do‘konlarida narx-navo holatini o‘rgandi.

O‘rganish davomida kundalik ehtiyoj uchun zarur bo‘lgan oziq-ovqat mahsulotlarining narxlari, savdo shoxobchalarida mahsulotlarning mavjudligi hamda iste’molchilarga yaratilgan sharoitlar ko‘zdan kechirildi.

Deputat tomonidan tadbirkorlarga narxlarning asossiz oshirilishiga yo‘l qo‘ymaslik, aholiga sifatli va hamyonbop mahsulotlarni taklif etish yuzasidan tegishli tavsiyalar berildi.O‘rganishlar hududda iste’molchilar manfaatlarini himoya qilish va ichki bozorda narxlar barqarorligini ta’minlashga xizmat qiladi.