Xalq deputatlari Sardoba tumani Kengashi raisi R.Tashpulatov tomonidan Birlashgan mahallasi Osuda hayot ko‘chasida olib borilayotgan shag‘allashtirish ishlarining borishi joyiga chiqqan holda ko‘zdan kechirildi.
Nazorat jarayonida bajarilayotgan qurilish va obodonlashtirish ishlarining sifati, belgilangan muddatlarda amalga oshirilishi hamda aholi uchun qulay va xavfsiz yo‘l infratuzilmasini yaratish masalalariga alohida e’tibor qaratildi.
Shuningdek, mas’ul tashkilotlar va ijrochi vakillariga ishlarni sifatli tashkil etish, qurilish me’yorlariga qat’iy rioya qilish hamda aholi murojaatlarini inobatga olgan holda ishlarni o‘z vaqtida yakunlash yuzasidan tegishli ko‘rsatmalar berildi.
Mazkur amaliy ishlar mahalla infratuzilmasini yana-da yaxshilash, fuqarolar uchun munosib turmush sharoitini yaratish va hudud obodonchiligini ta’minlashga xizmat qiladi.