Xalq deputatlari Qo‘qon shahar Kengashi deputati F.Mamajonov tomonidan yuborilgan deputatlik so‘rovi yuzasidan Qo‘qon shahar Obodonlashtirish boshqarmasi tomonidan rasmiy javob taqdim etildi.

Deputatlik so‘rovida "Aziztepa" MFY hududidagi Nurafshon, Mexrjon va Sariqqamish ko‘chalarini asfaltlashtirish masalasi ko‘tarilgan bo‘lib, ushbu murojaat mas’ul mutaxassislar tomonidan belgilangan tartibda o‘rganib chiqilgan.

O‘rganish natijasiga ko‘ra, amaldagi me’yoriy-huquqiy hujjatlar hamda 2026-yilgi manzilli dastur asosida Sariqqamish ko‘chasi asfaltlashtirish ishlari ro‘yxatiga kiritilgani va mazkur ko‘chada ishlar tasdiqlangan reja-grafik asosida bosqichma-bosqich amalga oshirilishi ma’lum qilindi.

Shuningdek, Nurafshon va Mexrjon ko‘chalari 2027-yilgi manzilli dasturga kiritish bo‘yicha tegishli tashkilotlar tomonidan zarur hujjatlar rasmiylashtirilib, amaliy ishlar olib borilayotgani bildirildi.

Mazkur masala deputat nazoratida bo‘lib, hudud infratuzilmasini yanada yaxshilash hamda fuqarolar murojaatlarining ijobiy yechimini ta’minlash yuzasidan tegishli tashkilotlar bilan hamkorlikda ishlar davom ettiriladi.

Xalq deputatlari Qo‘qon shahar Kengashi