LOLAZOR KO‘CHASI MUAMMOLARI O‘RGANILDI 

Xalq deputatlari Quva tuman Kengashi deputati M.Xakimova hamda kotibiyat
bosh mutaxassisi A.Fozilov tomonidan Damariq mahalla fuqarolar yig‘ini Lolazor
ko‘chasida o‘rganish ishlari olib borildi. 

Bunda deputat Lolazor ko‘chasi oqsoqoli O‘.Yusupov bilan birgalikda hududni
aylandi, aholi bilan suhbatlashib muammolarni o‘rgandi. 

Ko‘chaboshi tomonidan Lolazor ko‘chasining 300 metr qismiga asfalt
yotqizish zarurligi, shuningdek, tuman gaz bo‘limi tomonidan suyultirilgan gaz
ballonlarining aholiga o‘z vaqtida yetkazib berilmayotgani bildirildi. 

Mazkur murojaatlar yuzasidan tegishli mas’ullarga deputat tomonidan deputat
so‘rovi chiqarilishi, muammolarni bartaraf etish choralari ko‘rilishi
bildirildi. 

Aniqlangan barcha masalalar “Deputatning ko‘cha aylanish daftari”ga
qayd etilib, ijrosi nazoratga olindi.