#Sessiya_oldi_organish #Deputatlik_nazorati #24_ta_tavsiyaviy_savol #Deputat_daftari #Hamkorlik_faoliyati #deputat_tashabbusi #poytaxtdeputatlari #deputatlik_faoliyati

❗️ Parlament nazorati amaliyotda: senatorlar uy-joy kommunal xo‘jaligini raqamlashtirish jarayonlari bilan tanishdi

🏛 Xalq deputatlari Toshkent shahar Kengashi raisi, senator Rustamxon Kalanov boshchiligidagi Senat a’zolari uy-joy kommunal xo‘jaligi sohasida amalga oshirilayotgan islohotlar va raqamlashtirish jarayonlari bilan yaqindan tanishish maqsadida Qurilish va uy-joy kommunal xo‘jaligi vazirligiga tashrif buyurdi.

📝 Ma’lumki, Oliy Majlis Senatining 17-yalpi majlisida boshqaruv servis kompaniyalari hamda uy-joy mulkdorlari shirkatlari tomonidan ko‘rsatilayotgan xizmatlar sifati yuzasidan yuborilgan parlament so‘rovi natijalari atroflicha ko‘rib chiqilib, mavjud tizimli muammolar muhokama qilingan va ularni bartaraf etish bo‘yicha aniq vazifalar belgilangan edi. Mazkur tashrif parlament nazoratining amaliy davomi bo‘lib, belgilangan topshiriqlar ijrosi hamda sohada olib borilayotgan islohotlarning amaliy natijalarini joyida o‘rganishga xizmat qildi.

🔎 Tashrif davomida senatorlar fuqarolar uchun elektron xizmatlarni kengaytirish va uy-joy kommunal xo‘jaligi tizimini raqamlashtirish bo‘yicha amalga oshirilayotgan ishlar bilan tanishdi. Xususan, "Mening uyim" axborot platformasi orqali aholiga yaratilgan qulayliklar, jumladan, majburiy badallar va kommunal to‘lovlarni real vaqt rejimida kuzatish va onlayn to‘lash, boshqaruv kompaniyalari faoliyatini baholash hamda kommunal muammolar yuzasidan elektron murojaatlar yuborish imkoniyatlari ko‘rib chiqildi.

🔎 Shuningdek, senatorlar erishilgan natijalar bilan cheklanib qolmasdan, tizimni yanada takomillashtirish yuzasidan o‘z taklif va tavsiyalarini bildirdi. Xususan, ko‘p qavatli uylarning texnik holatini baholashda inson omilini kamaytirish, muhandislik tarmoqlari va ta’mirlashga bo‘lgan ehtiyojlar haqidagi ma’lumotlarni real vaqt rejimida yuritish hamda muntazam yangilab borish zarurligi ta’kidlandi.

🔺 Qayd etilganidek, ushbu mexanizm kuz-qish mavsumiga tayyorgarlikni samarali rejalashtirish, mavjud muammolarni oldindan aniqlash va mablag‘lardan maqsadli foydalanishni ta’minlashda muhim ahamiyat kasb etadi.

📱 Telegram 📱 Instagram 📱 Facebook 📱 YouTube