Bolalarni zararli axborotdan himoya qilish — barchamizning vazifamiz!

O‘zbekiston Respublikasining “Bolalarni ularning sog‘lig‘iga zarar yetkazuvchi axborotdan himoya qilish to‘g‘risida”gi Qonuni bolalarning jismoniy, ruhiy va ma’naviy kamolotini asrashga xizmat qiladi.

Mazkur qonunga ko‘ra, bolalarni zo‘ravonlik, shafqatsizlik, giyohvandlik, qimor o‘yinlari, o‘z joniga qasd qilishni targ‘ib etuvchi, pornografik hamda axloqsizlikni targ‘ib qiluvchi axborotlardan himoya qilish davlat siyosatining muhim yo‘nalishlaridan biri hisoblanadi.

🔹 Axborot mahsulotlari yosh toifalariga qarab 0+, 7+, 12+, 16+ va 18+ toifalarga ajratiladi.
🔹 Ta’lim muassasalari, ota-onalar, mahalla va jamoatchilik bolalarning axborot xavfsizligini ta’minlashda faol ishtirok etadi.
🔹nternet va ommaviy axborot vositalaridan foydalanishda bolalarning manfaatlari ustuvor hisoblanadi.

Farzandlarimizni zararli axborotlardan asrash, ularning sog‘lom va barkamol voyaga yetishi uchun barchamiz mas’ulmiz.