Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq Kengash raisi O.Babayev tomonidan tumanning “Baymurzayev” mahallasiga biriktirilgan yoshlar yetakchisi S.Imomaliyev tomonidan yoshlarning bandligini ta’minlash, ularni kasb-hunarga o‘qitish, tadbirkorlikka jalb etish, bo‘sh vaqtlarini mazmunli tashkil etish hamda yoshlar muammolarini aniqlash va hal etish borasida amalga oshirilayotgan ishlar tahlil qilindi.

🔺Shuningdek, “Yoshlar daftari”ga kiritilgan yoshlar bilan olib borilayotgan manzilli ishlar, ularga ko‘rsatilayotgan ijtimoiy ko‘maklar, ta’lim, bandlik va kredit masalalari bo‘yicha yaratilgan imkoniyatlardan foydalanish holati ham ko‘zdan kechirildi. Aniqlangan kamchiliklar yuzasidan tegishli tavsiyalar berildi.

🔺Mahallada yoshlar bilan ishlash tizimini yanada samarali tashkil etish, ularning tashabbuslarini qo‘llab-quvvatlash, bandligi va ijtimoiy faolligini oshirish bo‘yicha amaliy ishlar deputat tomonidan doimiy nazoratda turishi ta’kidlandi.