Shu maqsadda Xalq deputatlari Termiz shahar Kengashi kotibiyati mudiri A.Ashurov, Kengash kotibiyati bosh mutaxassisi A.Temirov hamda shahar Kengashiga 25-"Kokildorota" saylov okrugidan saylangan deputat M.Sidiqovaning okrugiga qarashli "Kokildorota" mahallasida navbatdagi manzilli o‘rganish tadbiri o‘tkazildi.

🔎 O‘rganish davomida mahalla hududidagi ichki yo‘llarning texnik holati, piyodalar harakati uchun yaratilgan sharoitlar, yo‘llarda mavjud nosozliklar hamda ularni ta'mirlash zarur bo‘lgan uchastkalar joyiga chiqqan holda ko‘zdan kechirildi.

💬 Aholi bilan o‘tkazilgan muloqotlar davomida ichki yo‘llarni ta'mirlash, infratuzilmani yaxshilash va obodonlashtirishga oid murojaatlar tinglanib, mavjud muammolar yuzasidan mas'ul tashkilotlar bilan birgalikda amaliy choralar ko‘rish masalalari muhokama qilindi.

📝 O‘rganish jarayonida aniqlangan kamchiliklar deputatning "Murojaat daftari"ga batafsil qayd etilib, ularni bartaraf etish bo‘yicha tegishli tashkilotlarga deputatlik so‘rovlari va murojaatlar kiritilishi hamda ijrosi deputatlik nazoratiga olinishi belgilandi.